តាមប្រភពព័ត៌មានពីសាច់ញាតិគ្រួសារសព បានប្រាប់ ឲ្យដឹងនៅព្រឹកថ្ងៃទី១៨ ខែកុម្ភ: ឆ្នាំ២០២៦នេះថា ជនដៃដល់ដែលបានកាប់ទៅលើ ម្ដាយកូន២នាក់ បណ្ដាលឲ្យស្លាប់នេះ ត្រូវជាប្អូនប្រុសបង្កើត បានប្រើប្រាស់ពូថៅដៃ កាប់ទៅលើបងស្រីបង្កើត និងក្មួយប្រុសរបស់ខ្លួនឯង បណ្ដាលឱ្យស្លាប់ទាំង២នាក់ម្ដាយកូន យ៉ាងអាណោច អាធ័មបំផុត។ រីឯមូលហេតុដោយសារការស្អប់ និងធ្លាប់មានទំនាស់ពាក្យសំដីបន្តិចបន្តួច ហើយជនដៃដល់ធ្លាប់ បោកទូរស័ព្ទដៃបងស្រីចោលទៀតផង ។
ប្រភពព័ត៌មានបានឱ្យដឹងថា ជនសង្ស័យជាឃាតករ ត្រូវជាប្អូនប្រុសបង្កើត បានប្រើប្រាស់ពូថៅមុតស្រួច កាប់សម្លាប់បងស្រីបង្កើត និងក្មួយបង្កើតរបស់ខ្លួនឯង បណ្ដាលឱ្យស្លាប់ក្នុងថ្លុកឈាមយ៉ាងអាណោច អាធ័មបំផុត ។
ប្រភពបានឱ្យដឹងថា ជនរងគ្រោះទី១ ឈ្មោះ ប៉ាង សុខន ភេទស្រី អាយុ៤៧ឆ្នាំ និងជនរងគ្រោះទី២ឯឈ្មោះ ម៉ោង សីម៉ា អាយុ២៣ឆ្នាំ ភេទប្រុស ត្រូវជាកូនរបស់ជនរងគ្រោះទីមួយ និងជាក្មួយរបស់ជនសង្ស័យ។ រីឯឃាតករជាជនដៃដល់ឈ្មោះ ប៉ាង សុបិន ។ ទាំងជនរងគ្រោះនិងជនសង្ស័យស្ថិតនៅក្នុងភូមិឃុំកើតហេតុជាមួយគ្នា ។
ក្រោយពេលធ្វើសកម្មភាពរួច ជនដៃដល់ បានជិះម៉ូតូរត់គេចខ្លួនបាត់ស្រមោលពីកន្លែងកើតហេតុតែម្ដង។
តាមការបញ្ជាក់បន្ថែមពីសាច់ញាតិគ្រួសារសព ក្រោយ ពេលកើតសមត្ថកិច្ចជំនាញ បានចុះមកត្រួតពិនិត្យ និងធ្វើកោសលវិច្ច័យរួចរាល់ហើយ ទើបអនុញ្ញាតឲ្យលើកសពដាក់លើគ្រែ ដើម្បីតម្កល់ធ្វើបុណ្យតាមប្រពៃណី និងកំពុងតាមកំណត់មុខសញ្ញាជនដៃដល់ ដើម្បីយកមកធ្វើការអនុវត្តតាមមតិវិធី ៕
