រាជធានីភ្នំពេញ÷ស្ត្រីម្នាក់បានបេីករថយន្តម៉ាក់ Nissan NAVARA លឿនពេកបានជ្រុលទៅបុករថយន្ត FORD RENGE ហេីយខ្ទាតទៅប៉ះម៉ូតូមួយគ្រឿងទៀត បណ្តាលឱ្យរថយន្តទាំងពីរគ្រឿងនិងម៉ូតូរងការខូចខាតយ៉ាងដំណំ សំណាងល្អមិនមានមនុស្សរងរបួស ឡើយ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១៣:៣០នាទីរសៀល ថ្ងៃទី២៥ ខែមីនា ឆ្នាំ២០២៦ ស្ថិតនៅស្តុបម៉ាកសេដេសផ្លូវ៥០ម៉ែត្រកែងផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្ត FORD RENGE ពាក់ផ្លាកលេខ រដ្ឋ២៩(២-៦៦៦៧ )ធ្វេីដំណេីរតាមបណ្តោយផ្លូវ៥០ម៉ែត្រចេញពីបុរីប៉េងហួតក្នុងទិសដៅពីលិចទៅកេីត លុះមកដល់ចំណុចពាក់កណ្តាលភ្លើងស្តុបស្រាប់តែមានស្ត្រីម្នាក់បេីករថយន្ត Nisan NAVARA ពាក់ផ្លាកលេខភ្នំពេញ 2P-1395 យ៉ាងលឿនជ្រុលទៅបុករថយន្តហ្វដចំពីចំហៀងពេញទំហឹង ហេីយខ្ទាតទៅប៉ះម៉ូតូមួយគ្រឿងទៀត បណ្តាលឱ្យរថយន្តហ្វដក្រឡាប់ផ្ងារជេីង រងការខូចខាតទាំងពីរគ្រឿងនិងម៉ូតូក៏រងការខូចខាតផងដែរ តែសំណាងល្អដែលមិនមានមនុស្សរងរបួសធ្ងន់ឡើយ។
ក្រោយកេីតហេតុសមត្ថកិច្ចមូលដ្ឋានបានសហការជាមួយនគរបាលជំនាញចរាចរណ៍ចុះសម្របសម្រួលដោយភាគីរថយន្ត NAVARA សម្រេចចេញសងថ្លៃជួលជុលរថយន្ត FORD RENGE និងម៉ូតូទាំងស្រុង ដើម្បីបញ្ចប់រឿងនៅកន្លែងកើតហេតុតែម្ដង៕
