ក្រុងព្រះសីហនុ៖ យ៉ាងហោចណាស់មានមនុស្ស៤នាក់រងរបួសធ្ងន់ស្រាល ខណៈមានម្នាក់គៀបជាប់ក្នុងម៉ូតូកង់ ក្រោយពីរថយន្តដឹកថ្មធុនធំមួយគ្រឿង ចុះចំណោតក្នុងល្បឿនលឿន បុករះរថយន្តចំនួន០៣គ្រឿង ម៉ូតូ១គ្រឿង ម៉ូតូកង់បីមួយគ្រឿង គៀបជាប់គ្នាស្អិតដូចស្កតាំងម៉ែ និង ខូចខាតរថយន្តសុះសាច់ និង កំពិតដូចចេកចៀន ។
ហេតុការណ៍នេះ បានកើតឡើងនៅវេលាម៉ោង០៧:៥០នាទីថ្ងៃទី០៥ ខែមិថុនា ឆ្នាំ២០២៦នេះ នៅលេីវិថីផែ ត្រង់ចំណុចជិតស្តុបកែងរ៉ា ស្ថិតនៅភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ ។
សមត្ថកិច្ចឲ្យដឹងថា មានករណីនេះ បង្កដោយរថយន្តធំ ១គ្រឿងម៉ាក HYUNDAI ពណ៌ស ពាក់ផ្លាកលេខ ភ្នំពេញ 3F-6019 សណ្តោងសឺមីរ៉ឺម៉ក ពាក់ផ្លាកលេខ កំពង់ចាម 4A-3065 (ដឹកថ្មក្រានីត) អ្នកបេីកបរ (មិនទាន់ស្គាល់អត្តសញ្ញាណ) ដែលមានទិសដៅពីកេីតទៅលិច (ពីឃ្លាំងលេី ឆ្ពោះទៅ កំពង់ផែ) លុះមកដល់ចំណុចខាងលើបេីកបរមានល្បឿនលឿនស្ថានភាពផ្លូវចុះចំណោតបានបុករះ ពីក្រោយរថយន្តសរុប ចំនួន៣គ្រឿង រួមមាន ទី១.ម៉ាកហៃឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ2AE-8549 រួចបុកនិងម៉ូតូ១គ្រឿងម៉ាក ហុងដាឌ្រឹមសេ១២៥ សេរីឆ្នាំ២០២៥ ពណ៌ខ្មៅ ពាក់ស្លាកលេខ តាកែវ 1AF-0483 រួចបន្តទៅបុកនិងរថយន្តមួយគ្រឿង ម៉ាកNIsan ដឹកបន្លែរមួយគ្រឿងទៀត ពណ៌ទឹកប្រាក់ ពាក់ស្លាកលេខ ភ្នំពេញ 2AR-7372 រួញផ្ទុបនិងម៉ូតូកង់បី ១គ្រឿង ពណ៌ស មិនស្គាល់លេខ បុកឡើងរួចខ្ទេច ហើយជាប់អ្នកបើកបរក្នុងម៉ូតូកង់បី រួចបន្តផ្ទុបនិងរថយន្តមួយគ្រឿងទៀត ម៉ាកMG ពណ៌ខ្មៅ មិនស្គាល់ស្លាកលេខ រងការខូចខាតរថយន្តទាំងស្រុង ។
ក្នុងករណីគ្រោះថ្នាក់ចរាចរណ៍ខាងលើនេះ បណ្តាលឱ្យរងរបួសធ្ងន់បុរសម្នាក់ អ្នកបើកកង់បី និង ៣នាក់ទៀត ស្រាលៗ មានម្ចាស់ម៉ូតូម្នាក់ និង ម្ចាស់រថយន្ត NIsan និង MG ចំពោះម្ចាស់រថយន្ត ហៃឡែនឌ័រដែលបុកដំបូងគេ ពុំមានរងរបួសនោះទេ ។
ក្រោយពេលកើតហេតុ អ្នកបេីកបររថយន្តធុនធំបានរត់គេចខ្លួន ចំពោះជនរងគ្រោះទាំងអស់ត្រូវបាន បានដឹកទៅសង្គ្រោះនៅមន្ទីរពេទ្យបង្អែកខេត្តព្រះសីហនុ ដោយឡែកវត្ថុតាងត្រូវបាន សមត្ថកិច្ចស្ទួចយកទៅរក្សាទុក រង់ចាំស្រាវជ្រាវរកម្ចាស់បង្ក ដើម្បីចាត់ការបន្តតាមនីតិវិធី ៕
