ខេត្តកំពង់ស្ពឺ :ក្រោយពីមានការផ្សព្វផ្សាយអំពីការសង់របងរំលោភលើផ្លូវសាធារណៈ ពីសំណាក់ ប្រជាពលរដ្ឋមួយគ្រួសារ ស្ថិតនៅក្នុងភូមិអូរំចេក ឃុំសែនដី ស្រុកសំរោងទង ខេត្តកំពង់ស្ពឺ នៅព្រឹកថ្ងៃទី២៤ ខែកក្កដា ឆ្នាំ២០២៦នេះ លោក មុត ភន អភិបាលស្រុកសំរោងទង បានដឹកនាំមន្ត្រីជំនាញពាក់ព័ន្ធ ចុះពិនិត្យនិងរុះរើការសាងសង់របងដែលសង់រំលោភលើផ្លូវសាធារណៈ រួចហើយនៅព្រឹកថ្ងៃដដែលនេះ។
ដោយមើលឃើញអំពីការសាងសង់របងឈើបន្លាលួស ឈើ ផ្លូវដីក្រហមពីសំណាក់ម្ចាស់ដីដែលមិនបានគោរពតាមស្មារតីអង្គប្រជុំដោយចង់យកឈ្នះលើភាពត្រឹមត្រូវរបស់ខ្លួន ធ្វើ អោយមានការផ្ទុះការងឿងឆ្ងល់ចាប់អារម្មណ៍ លើរូបភាពដែលបានចែកចាយ លេីបណ្ដាញសង្គម និងសារព័ត៌មានជាបន្ដបន្ទាប់ !។
រូបភាពនេះ កេីតឡេីង នៅលើផ្លូវដីក្រហមមួយខ្សែ ស្ថិតនៅភូមិអូររំចេក ឃុំសែនដី ស្រុកសំរោងទង ខេត្ដកំពង់ស្ពឺ ដែលមានម្ចាស់ដី ឈ្មោះ មុំ សំបូរ ភេទប្រុស អាយុ៤៧ឆ្នាំ រស់នៅក្នុងភូមិអូរំចេក ឃុំសែនដី ស្រុកសំរោងទង ខេត្ដកំពង់ស្ពឺ ។របងដែលសាងសង់រំលោភលើដីចំណីផ្លូវគ្មានការអនុញ្ញាតត្រូវបានអាជ្ញាធរចុះរុះរើដោយជោគជ័យ ក្រោមការចង្អុលបង្ហាញ និងណែនាំដ៏ខ្ពង់ខ្ពស់របស់ ឯកឧត្តម បណ្ឌិត ជាម ចន្ទសោភ័ណ អភិបាល អភិបាលខេត្តកំពង់ស្ពឺ ។
លោក មុត ភន អភិបាលស្រុកសំរោងទង និងជាប្រធានគណបញ្ជាការឯកភាពស្រុក រួមជាមួយ លោក អ៊ុ ដេត អភិបាលរងស្រុកសំរោងទង បានដឹកនាំក្រុមការងារស្រុកសំរោងទង កងកម្លាំងទាំងបី ក្រុមការងារឃុំ និងភូមិ បានចុះរុះរើបង្គោលរបង និងរបងដែលបានសាងសង់រំលោភលើដីចំណីផ្លូវគ្មានការអនុញ្ញាត ដែលមានផលប៉ះពាល់ចំនួនពីរគ្រួសារ ទីតាំងស្ថិតនៅភូមិអូររំចេក ឃុំសែនដី ស្រុកសំរោងទង ខេត្តកំពង់ស្ពឺ។
សូមបញ្ជាក់ផងដែរថា : ក្រោយពីទទួលបានព័ត៌មានទៅលើវិវាទ នៃការសាងសង់របងរំលោភលើដីផ្លូវ និងមានសារព័ត៌មានជាច្រើនបានចុះផ្សាយពីការរំលោភលើដីផ្លូវស្ថិតនៅភូមិអូររំចេក រួចមកក្រុមការងារស្រុកបានចុះទៅវាស់វែងជាក់ស្តែងដើម្បីកំណត់ទំហំផ្លូវស្វែងរកផលប៉ះពាល់ និងបានរុះរើរបងដែលសង់លើផ្លូវផងដែរ។
លទ្ធផលដែលក្រុមការងាររកឃើញ បង្គោលរបងព័ទ្ធសំណាញ់លួសគឺបានបោះជ្រុលចូលមកលើដីទំហំផ្លូវ១ម៉ែត្រ ដែលមានប្រវែង៤២ម៉ែត្រ ហើយបច្ចុប្បន្នក្រុមការងារបានរុះរើចេញ ដោយណែនាំឪ្យភាគីប្រើប្រាស់តែលើកម្មសិទ្ធដែលមានប៉ុណ្ណោះ)។
ដោយឡែករបងផ្ទះរៀបឥដ្ឋផ្នែកម្ខាងទៀតដែលសាងសង់ គឺជ្រុលចូលមកលើដីផ្លូវមានចំនួន៥ ចំណុចផងដែរ !បច្ចុប្បន្ន ក្រុមកាងារកំណត់ថ្ងៃឱ្យរុះរើដោយខ្លួនឯង!!! ៕
